Як і сто год таму, "Наша Ніва" сёньня гэта якаснае і найбольш уплывовае нацыянальнае беларускамоўнае выданьне. Прайшло стагодзьдзе, але газэта застаецца сучаснай, дынамічнай і запатрабаванай ня толькі ў дэмакратычных асяродках.

2009 год - год вяртаньня газэты ў сыстэму дзяржаўнага распаўсюду, год пераходу на каляровы друк і найбольш удалы год для, фактычна ўжо асобнага і ня менш пасьпяховага, інтэрнэт-сайта выданьня.

Адзначым і іншыя ініцыятывы выданьня "Дыскарню" і "Кнігарню", якія ня перастаюць радаваць якаснымі праектамі.