Намінаваньне Алены Анісім - адзначэньне яе ўнёску ў справу беларусізацыі на пасадзе намесьніцы старшыні Таварыства беларускай мовы і ў ролі вядоўцы адмысловай праграмы "Размаўляем па-беларуску" на тэлеканале АНТ.

Мы абавязаны адзначыць, што вылучэньне Анісім у сьпіс прэтэндэнтаў на атрыманьне ўзнагароды - падзяка і ўсяму Таварыству беларускай мовы, якое дзесяцігодзьдзямі няспынна рупіцца пра стан роднае мовы і ў мінулым годзе спрычынілася да паступовай беларусізацыі тэлебачаньня.