Мэдалістка Алімпійскіх гульняў і Чэмпіянатаў сьвету па гімнастыцы, Ганна Глазкова цяпер атрымоўвае другую вышэйшую адукацыю і зьяўляецца спартовым мэнэджэрам валейбольнай каманды "Мэталюрг-БеЛа" з Магілёва. Вядома Ганна і ўдзелам у грамадзкім жыцьці Беларусі - рэгулярных паездках па Беларусі ў межах акцый, якія арганізуюцца "Беларускім дзіцячым хоспісам", падпісаньнем зварота ў абарону газэты "Прессбол" і наведваньнем акцый беларускіх праваабаронцаў. Намінаваньне Ганны Глазковай - захапленьне  жанчынай, якая ня толькі ўва ўласных посьпехах бачыць жыцьцёвы сэнс.